謝君豪奪「藝術家年獎」 感激4恩師栽培
「第十九屆香港藝術發展獎」頒獎禮前晚在大會堂舉行，謝君豪從亦師亦友的杜國威手上接過戲劇「藝術家年獎」，他坦言意義重大：「如果我冇記錯，呢個係我喺香港所得嘅第一個獎項！」他於台上多謝4位恩師，包括鍾景輝、毛俊輝、楊世彭及杜國威。
豪哥首先多謝鍾景輝，因沒有他就沒有演藝學院，指對方為演藝界貢獻良多，然後多謝毛俊輝：「佢係我演技老師，為我打開戲劇大門。我仲要多謝香港話劇團首任藝術總監楊世彭博士，佢一直好照顧我，我年輕時，佢破格提升我成為香港話劇團嘅首席演員，當時係一項創舉！當然亦好多謝杜Sir杜國威老師，佢將『南海十三郎』咁好嘅角色送咗畀我。」
