周吉佩豁出去跳唱新歌
歌手周吉佩日前到新城廣播接受黎莉主持的《勁爆樂勢力》錄音訪問，宣傳跳唱新歌《GUTS》。吉吉直言若是以前的自己，絕對沒可能又唱又跳：「上次跳舞主要係手部動作為主，今次真係跳熱舞，因為我唔想框住自己，尤其粉絲畀我好多動力。以前我真係冇可能做呢件事，覺得攞結他唱歌仲好，依家豁咗出去。」吉吉笑稱可能被排舞師整蠱：「佢成日鼓勵我，不停話我跳得好好，又話我進步咗好多，係咁催眠我，令我真係覺得好勁，所以就跳啦。當我唔尷尬時，尷尬就係其他人，咁我又使乜理你感受呢？呢個先係『GUTS』嘛！」」
