陳豪按摩出色 張曦雯畀滿分
丁子朗演鹹濕渣男冇底線
無綫新劇《俠醫》演員陳豪、張曦雯、劉佩玥、丁子朗與馬貫東等，前晚出席煞科宴。飾演中醫的陳豪透露學習不少新技能，獲他按摩的張曦雯更給予這位「陳醫師」滿分好評。
陳豪和張曦雯在劇中飾演一對，談到拍攝難忘事，陳豪表示學識舞火龍、太極、白立竿、射箭等，最想嘗試針灸：「有兩位演員得到中醫教授指導針灸，我好想試施針，但冇人肯畀我試，哈哈！」
張曦雯則難忘陳豪在中環街頭為她按摩的戲份：「有一場戲講我扭傷腳，陳豪幫我除襪按摩，完全唔在意我有冇腳汗。佢手法專業，呢位『陳醫師』絕對值得100分！」問陳豪有否幫太太陳茵媺按摩？他坦言經常為太太按肩背腰。
劉佩玥與丁子朗在劇中互相利用，並合力打垮陳豪及張曦雯，丁子朗自嘲角色是鹹濕渣男的「性情中人」，還自爆與劉佩玥有激烈的親熱場面。他很感謝得到劉佩玥信任，令他放膽演出。為拍攝一場裸露鏡頭，他兩天未有進食：「有一幕講劉佩玥影我裸照，我赤裸着孖煙囱，導演好好，安排用我手機拍，現場得我、導演同助導3個人，再由我親自P走敏感部位。」丁子朗指這場戲的尺度堪比他早年在旅遊節目全祼浸溫泉，為了演出不設底線。
劉佩玥苦練跳艷舞
劉佩玥則透露在劇中要挑戰跳艷舞：「我要喺鄭子誠面前跳桌上舞，為咗展現誘人性感舞姿，上堂學同喺屋企瘋狂苦練，因為唔想跳到似喺張枱碌嚟碌去，變成不倫不類嘅搞笑鬧劇。」
提到同劇演員兼緋聞女友郭柏妍因食物敏感，入院缺席煞科宴，丁子朗說：「畀啲空間佢，畀佢好好休息。」問兩人是否已沒聯絡？他說：「工作上有。」劉佩玥則表示已傳短訊問候郭柏妍：「佢有覆我，仲話佢好想參加煞科宴，但佢隻眼仲係唔舒服，我叮囑佢要好好休息。」
