遭莎芭蘭卡暗寸 高芙輕鬆反擊
世界排名第2的美國球手高芙，昨晨以6:7、6:2、6:4，盤數2:1後上反勝「一姐」莎芭蘭卡，贏得生涯首個法網女單冠軍！莎芭蘭卡在賽後訪問時哭成淚人，並且暗諷高芙實力不及自己及上仗被自己擊敗的施華德，表現欠缺風度令傳媒嘩然，明顯「輸人又輸陣」！
雙方在首盤打得火熱，莎芭蘭卡力戰至「搶七」才先下一城，但年僅21歲的高芙毫不氣餒，頂住壓力狂追，相反莎芭蘭卡出現多達19次無壓力下失誤，高芙3度破發以6:2扳平；決勝盤高芙無論穩定性及關鍵分處理都佔優勢，順利以6:4奠勝，結束2小時38分鐘比賽。
莎芭蘭卡（圓圖）賽後受訪時痛哭，並有點語無倫次：「呢場係我打過最差嘅決賽，如果施華德喺四強贏我，我覺得今日會係佢贏！好痛苦，我之前一直打得好好，但決賽竟然打成咁！」輪到高芙受訪時，記者向她覆述莎芭蘭卡說話，高芙笑着說：「佢真係咁樣講？我唔同意囉，我都企咗喺度啦！」當在場球迷一輪笑聲後，高芙再淡然地補充：「我上次對施華德時……我唔係要貶低佢，但我直落兩盤贏咗！」
