艾卡拉斯輕勝 闖男單四強
法網男女子單打進入高潮！上屆男單冠軍艾卡拉斯，昨晨以輕鬆姿態擊退美國球手湯美保羅，昂然晉身四強，距離衛冕只差兩步。艾卡拉斯頭兩盤基本上全無壓力，直至第3盤才受到一定頑抗，結果只花1小時34分鐘，便以6:0、6:1、6:4直落3盤獲勝。世界排名12位的湯美保羅賽後輸得心服口服：「大家應該有睇冼拿打波，艾卡拉斯嘅表現好似佢咁，打出極高極高水準，基本上可以摧毀對手。」艾卡拉斯亦同意：「冼拿喺某程度啟發我，因為佢每場比賽都交出自己100%！」將於準決賽遭遇意大利球手姆錫迪，艾卡拉斯未敢大意：「佢贏過我兩次，每次同佢打都唔容易！」
女單方面，5號種子波蘭施華德，以6：1、7：5直落兩盤，擊敗世界排名14的烏克蘭球手絲維杜蓮娜，於法網已累積26連勝，只要贏多兩場，就會成為公開賽年代首個女子球手實現法網4連霸！不過施華德在準決賽將面臨最大考驗，遭遇世界一姐莎芭蘭卡。
