F1韋斯達賓被罰 麥拿侖包Q
F1西班牙站正賽，4屆總冠軍紅牛車隊韋斯達賓原本第3位起步，但諸事不順！早段已曾與法拉利車手勒克萊有輕微碰撞，然後又因為被第5位的平治車手羅素從外線嘗試過頭，「韋少」未有收慢車速直撞到平治車側。韋斯達賓因此被罰10秒，因而失去競爭資格，最終只以第10名完成比賽。麥拿侖車隊的皮亞斯利及諾里斯包辦前兩名，勒克萊獲第3名。
被撞的羅素賽後投訴說：「呢種情況只會喺打機時出現，我覺得佢係蓄意咁做，韋少係偉大車手，但冒住自己戰車受損風險都要撞人，完全唔合邏輯，對佢自己亦冇幫助！」韋少本人則並不承認蓄意撞人，認為是賽會誤判。
比賽於加泰隆尼亞舉行，英格蘭國家足球隊剛巧於此地紮營，準備周六晚對安道爾的世盃外歐洲區比賽。領隊杜曹帶同多名陣中主力球員到場，觀戰之餘亦放鬆心情。當中包括哈利卡尼等出盡風頭，對記者問題對答如流，充滿熱情。只有阿仙奴翼鋒布卡約沙卡，似乎對F1欠缺研究，當記者問及支持哪名車手時，他尷尬地回答：「我冇咩想講！」
