比賽錯過歐聯 祖高域戥PSG高興
塞爾維亞球星祖高域因為要應付法國網球公開賽，錯過同時上演的歐聯決賽。不過當他贏波之餘，又得悉所支持的巴黎聖日耳門奪冠，心情立即靚靚。
前一哥祖高域昨晨法網共花約兩小時，就以6:3、6:4、6:2打敗奧地利球手美蘇歷，昂然晉身16強。由於比賽與歐聯決賽撞時間，本身是足球迷的祖高域賽後打趣說：「呢個比賽秩序安排令我有啲困惑，但亦好有趣，我見到觀眾似乎更關注足球比賽。」
祖高域原本是AC米蘭球迷，所以一直敵視國際米蘭，今場決賽自然支持巴黎聖日耳門：「當PSG入波時，我聽到呼叫聲，佢哋似慶祝咗好多次。我喺度諗『Wow！巴黎係咪入咗好多波』同『係咪發生咗咩事』？」當自己的比賽結束，祖高域知道巴黎大勝5:0後，他笑着說：「5球？真係好大比分！」祖高域下一圈將遭遇羅利，爭奪八強資格。
