李駿傑花姐曾互相憎恨
MIRROR成員李駿傑（Jeremy）與經理人黃慧君（花姐）於ViuTV節目《呂濤米Lo 花Son Show》暢談心事，Jeremy透露曾與花姐因誤會而互相憎恨，令姜濤很擔心兩人的關係惡化：「嗰段時間有好多誤會，憎你唔係因為我冇得出個人歌，唔知點解突然之間你對我好有惡意。中間發生咗啲誤會，我有解釋唔係我做，但係你唔聽我解釋。」 他表示未出個人歌前是人生低潮：「人生最黑暗時期，好多煩惱充斥住我嘅生活。嗰陣時成日喊，唔知未來要點，經理人又唔鍾意我，MIRROR又唔知會點！」Jeremy慶幸終於在飛機上與花姐解開心結，覺得經歷此事後，明白心態可以改變事情的好壞。
花姐表示最怕Jeremy孤獨，不停催他談戀愛，更揚言幫忙物色對象，令Jeremy哭笑不得。Jeremy公開擇偶條件：「只需要笑得靚同專一就得。」
