嘉欣最強回憶 林峯感動想喊
經典CP合體 全場瘋狂
林峯前晚在紅館舉行第5場《GO WITH THE FLOW 林峯演唱會》，邀得前緋聞女友鍾嘉欣擔任嘉賓，兩人合唱《溏心風暴》劇集片尾曲《心領》，重現經典CP「程亮」和「常在心」的集體回憶。嘉欣與林峯齊齊話當年，一向Man爆的林峯坦言感動得差點哭出來。
鍾嘉欣甫出場，全場即驚喜歡呼，雖然她與林峯久未合作，但合唱《馴獸師之王》時非常合拍。唱畢兩人來個擁抱，林峯更高呼「沒有常在心的日子第7,900日」，嘉欣開心得哭着說：「好似發夢，真係好開心，我哋十幾年冇見喇。」林峯隨即用紙巾為嘉欣拭淚，並說：「唔好喊，個妝會花。」
嘉欣說：「死啦！我點唱落去？好開心見到林峯嘅成就，亦令我回想起好多以前嘅事，管家仔（林峯在《家好月圓》角色）。」林峯笑言只不過十多年沒見，不算很久，嘉欣笑言：「你生咗一個（小朋友），我仲生咗3個。初相識時，我係22歲，你就27歲，真係有好多回憶。當時我已知你會發光發亮，只係等你幾時爆發，相信你會繼續爆落去。」林峯坦言也感動到差點哭出來，嘉欣笑言：「你都想喊？我未見過你喊，你一向好Man，如果搞喊你，我真係好叻！」
勾手指約定做紅館嘉賓
林峯表示十多年前與嘉欣同台唱了一首歌，充滿回憶：「知道唔唱呢首歌，觀眾係唔會放過我哋，無奈真係冇練習，所以只能唱半首滿足大家。」隨即與嘉欣合唱半首《心領》。嘉欣表示一直有個夢想，就是像林峯一樣在紅館開騷，還跟林峯勾手指打印，約定對方要為她將來的紅館騷擔任表演嘉賓。兩人開心共相擁3次之多，林峯才到後台換衫。
之後嘉欣獨自在台上問觀眾：「如果我喺紅館開演唱會，大家會唔會嚟？」全場叫聲震天以示支持，嘉欣激動說：「我個心依家好澎湃，真係好難控制，呢個場館嘅感覺真係好好！」說罷她繞場一周唱《最幸福的事》，離台前再派心心給觀眾。
