姚焯菲性感睇場合
姚焯菲（Chantel）將於下月首次與張蔓莎、張蔓姿及胡子彤在《新城唱好海洋公園 成長告訴我們的二三事音樂會》合唱，Chantel透露已相約大家一齊練歌，因演出默契很重要：「今次好多歌我都未唱過，到時大家會交換歌唱，好好玩。唱人哋嘅歌好大挑戰，所以要勤力啲練歌。」Chantel亦稱已準備了兩套歌衫：「但一定唔會性感。（點解？）今次場合唔適合。（怕搶鏡？）太緊張，一來大家未合唱過，二來第一次喺海洋公園怡慶坊表演，想專注唱好啲歌。」
張蔓姿亦稱忙於為音樂會做準備：「我哋4個人都會合唱，因為難得有機會一齊錄廣播劇，又未合作過，所以一定要把握呢個機會，呢個組合可能得一次，係好好玩嘅。」
