曼聯食尾胡 公布訪港名單
曼聯昨晨主場踢煞科戰，2:0擊退阿士東維拉，總算為災難球季食出尾胡，並微升一級以第15位完成球季。排名陷低谷，各項盃賽皆空，領隊艾摩廉在贏波後，即場向全場球迷道歉，並作出承諾：「經過咁災難嘅球季，我想同大家講，好嘅日子即將降臨！如果世上只有一隊球隊可以捲土重來，就一定係我哋！」艾摩廉亦宣布3位約滿球員，包括基斯甸艾歷臣、莊尼伊雲斯及連迪路夫將會離開球隊。
曼聯在擊敗維拉後，立即開赴機場踏上亞洲之旅，準備明日於吉隆坡對東盟全明星隊，及30日於香港大球場對港足。球隊公布32人大軍，煞科戰未入選大名單的翼鋒加拿祖，仍然是曼聯一員，肯定會隨軍前來香港作賽。
