陳瀅張智霖親熱 唔怕「靚靚」監場
為拍劇染金髮 減少洗頭
無綫花旦陳瀅將於下月拍無綫新劇《璀璨之城》，首次與「美魔男」張智霖（Chilam）合作的她大呼期待，並自爆與對方有親熱戲。問到有否擔心Chilam太太袁詠儀（靚靚）監場？陳瀅笑言電視尺度有限，加上是劇情需要，故絕不擔心。
陳瀅與香港足球隊代表陳肇鈞、伍瑋謙昨日到青衣一街市出席活動，近日愛上下廚的陳瀅表示以往多在超級市場買餸，近來則愛上逛街市，因種類繁多，喜歡招呼朋友作客試其廚藝。問到緋聞男友周嘉洛是否品嘗過？她笑言有男有女，試過最多煮8人餐：「多過8個好難，因為我冇請工人姐姐，不過最辛苦係食完洗碗同洗地。（朋友冇幫手？）冇啦，我有次出聲話佢哋唔畀錢又唔洗嘢，哈哈！」
陳瀅透露好友朱敏瀚去年生日，在她家吃飯慶祝，飯後一齊睇球賽，因太嘈被鄰居投訴。問到愛入廚是否為做人妻作準備？她笑言為了增值自己：「自己煮畀自己食，最拿手煮西餐同意粉，好多人食過都讚。想挑戰烹飪比賽，好似以前《美女廚房》、《黑白大廚》嗰啲。」
談到她為拍新劇《璀璨之城》染得一頭金髮，她表示是人生首次染金髮，並指原本今個月開拍，但因事延至6月才拍攝。她擔心髮色洗得多會愈來愈金，故近期減少洗頭：「因為今日要出活動見人，已經洗咗頭，大家放心。」
預告整蠱大前輩
她表示於《璀》劇與Chilam、高海寧等有不少對手戲，很期待首次跟Chilam合作，並透露會有親熱戲。問到會否擔心靚靚監場？她表示：「都係做嘢，加上電視尺度有限制，所以唔擔心。」她笑言一如以往，會找機會整蠱大前輩兼拍片跟大家分享：「有人都問我整蠱大前輩驚唔驚？我話唔會咁小器嘅！不過我會等差唔多拍完先整蠱，大家熟咗冇仇報，哈哈！」
