鄭秀文熱情如火 感染衛蘭做Gym
有共同信仰 特別投契
天后鄭秀文（Sammi）前晚在澳門舉行第7場「You & Mi鄭秀文澳門演唱會2025」，邀得衛蘭擔任表演嘉賓。兩人有共同信仰，故特別投契。衛蘭讚Sammi「內心團火」很有感染力，令她努力做Gym，Sammi即興唱「我的熱情，好像一把火」，引得全場大笑。
鄭秀文於演唱會上獻唱多首耳熟能詳的歌曲後，介紹一位「好唱得」的表演嘉賓，當《親密關係》音樂奏起，衛蘭（Janice）隨即升上台，全場尖叫！兩人手拖手合唱，唱畢Janice說：「你畀咗好多信心，好多年前鼓勵我去Keep Fit，我真係好努力做Gym。我好多謝你，就係Sammi團火感染到大家！」Sammi即興唱了幾句「我的熱情，好像一把火」，非常搞笑。
Sammi說：「我係睇住你出道，睇住你成長，尤其呢幾年喺樂壇成績咁好，仲穿州過省做咁多場演出，真係戥你開心。我哋有共同信仰，所以特別投契。」她讚Janice內斂和斯文，Janice問Sammi是否「I人」？Sammi笑言：「我I㗎，In Between啦，揈嚟揈去，M到就I㗎！」笑爆全場。
許志安伴奏 Sammi感幸福
Janice說：「我好感恩成為Sammi嘉賓，更感恩仍然可以聽Sammi唱歌、睇Sammi演唱會，好正！」Sammi謙稱年紀大，不知道還可唱到幾時，Janice說：「Keep住呀，我哋都好需要你！」之後Sammi到後台換衫，Janice獨唱新歌《The Best Version Of Me》，悅耳動聽。
演唱會尾聲，Sammi唱《唯獨你是不可取替》後說：「我覺得人生經歷過咩嘢都唔重要，最重要係經歷過後體會到咩嘢，同埋回頭望發現係一場好美麗嘅祝福，所有嘢都變得更加好。」然後許志安升上台，以鋼琴彈奏《世紀末煙花》，Sammi說：「我想講，我好幸福，多謝你哋！」全場拍掌和歡呼以示支持。
