BIG FOUR行山 爆張衞健百厭史
BIG FOUR成員張衞健（Dicky）、許志安、梁漢文和蘇永康日前罕有相約行山密斟，原來為8月的紅館騷熱身。期間遠方有一位長髮男子跑近他們，左右手攬實安仔和Dicky，原來是蔡一智。蘇永康和梁漢文表示受蔡一智影響愛上行山，有時會約安仔，今次Dicky則是第一次。
之後BIG FOUR行到一個休憩站，坐下來話當年，Dicky被爆20年前做了一件離譜的事！梁漢文說：「當年小弟終於儲到個錢買咗間屋畀自己，新居入伙約埋啲兄弟上嚟聚吓。有人唔知係咪飲醉咗，收埋支豉油同茄汁喺我張床，到我夜晚瞓覺先至發現，成張床褥同被都係豉油！」眾人矛頭直指Dicky，梁漢文續說：「咁多年冇賠番張床畀我，床單都冇呀！」Dicky笑言：「咁你想點喎？賠番樽豉油畀你，賠多支茄汁囉！」
