主場勝利謝幕 迪布尼感人告別
洛迪復出 曼城劍指世冠盃
英超倒數第2輪，曼城昨晨主場3:1擊敗樸茨茅夫升上第3位。兩分領先4至6名的紐卡素、車路士及阿士東維拉，只要周日煞科日作客富咸保持不敗，便可穩得前5名歐聯參賽資格。曼城今場謝幕戰的焦點，是効力球會10年，帶領曼城取得重大成功的奇雲迪布尼告別，受到全場球迷熱情歡送。
奇雲迪布尼約滿將於今夏離隊，在比賽開始前，曼城看台上已見多張巨型橫額，最大的寫着「王者奇雲」！曼城雖然順利贏波，但迪布尼在比賽中曾近門射中楣，未能以入球告別粉絲。賽後迪布尼與隊友一一擁抱道別，當與夏蘭特相擁時更眼泛淚光，連領隊哥迪奧拿也忍不住落淚。之後他帶着太太及3名子女重新入場，接受球迷道別。迪布尼賽後說：「曼巿係我屋企，我3個小朋友都喺呢度出世，呢10年帶畀太太同我無盡歡樂，創造咗好多神奇事跡。今日有5萬人同我講再見，簡直難以置信！我會懷念同隊友並肩作戰嘅日子，當中有好多已經成為終生朋友，依家係時候由年輕人接我班！」迪布尼為「藍月亮」上陣421場，取得108個入球及177個助攻，煞科戰對富咸將是他在曼城最後一場比賽。
今場比賽另一焦點，是防中洛迪卡斯簡迪，經過長達8個月養傷後，於83分鐘後備入替，獲得全場球迷起立鼓掌致意！這位上屆金球獎得主，去年9月對阿仙奴時膝部十字韌帶撕裂，長休後嚴重影響曼城實力，是導致今季四大皆空主因。洛迪曾創下連續74場為曼城主陣而保持不敗紀錄。若能回復健康與狀態，將是球隊爭奪世冠盃的最大助力。
哥迪奧拿：必須精簡陣容
基於傷兵多問題，曼城今年一月曾豪花2億鎊增兵，導致目前人才過剩。領隊哥迪奧拿賽後，要求會方在今夏盡辦法賣走冗員：「我同球會講咗，唔需要咁多球員。我唔希望經常有5至6名球員連比賽大名單都入唔到，要坐上看台睇波！如果情況冇改善，我寧願辭職！我哋需要精簡陣容，令每個球員任何時刻都做好準備去比賽。」
