鍾柔美唔羨慕「佢開心就得」
傳炎明熹千萬轉會費
「聲夢」人氣王炎明熹（Gigi）被傳獲內地公司豪擲千萬邀過檔，好姊妹鍾柔美（Yumi）坦言沒聽過傳聞，亦不會羨慕對方，希望外界不要給Gigi太大壓力：「最緊要佢開心同身體健康。」
鍾柔美、《中年好聲音2》冠軍古淖文和太極樂隊等前晚為慈善音樂會擔任表演嘉賓，已半年未有新歌推出的Yumi坦言之前已跟公司反映：「咩類型嘅歌都想試，但知道唔能夠咁貪心，一切等公司安排。」問到無綫已不投放資源在Gigi身上，現在是否獲得更多資源？Yumi說：「真係會幫到我哋，都睇吓點樣幫，不過女仔都要等吓。（即係話公司幫男仔多啲？）冇呀，都係努力做好自己嘅嘢。」
談到有傳Gigi將跟內地公司簽約，Yumi表示未有所聞：「我知大家好關心Gigi，我諗佢都OK，畀多啲時間佢處理同休息，最緊要佢開心同身體健康。」問到多久沒見面？Yumi說：「上次見面係上年，其實都唔算好耐，我都有半年冇出新歌。」問到可羨慕對方獲千萬重金邀過檔？她重申不清楚是否千萬：「又冇話羨慕，我覺得佢值得拎就值得有呢樣嘢，都係嗰句佢開心就得，唔好畀咁多壓力佢。」
提到她有份參演的劇集《臥底嬌娃》及《夫妻的博弈》稍後推出，她笑言有機會想再拍劇，但最喜歡還是唱歌。談到好友姚焯菲（Chantel）跟MIRROR成員合演音樂劇，Yumi直言感覺神奇：「平日我都有留意唔同公司嘅藝人，會抱希望心態將來大家可以合作。」
古淖文相信公司做好資源分配
當晚音樂會有多位表演嘉賓，古淖文獨唱12首歌，猶如舉行小型個人演唱會，他笑言：「都係為善最樂，希望籌多啲錢。其實我唱幾多首歌都唔緊要，下次可以唱少啲，留畀其他歌手唱，最重要係可以幫到人。」
提到《中年好聲音3》三甲誕生，會否擔心資源分配出現「插隊」情況？古淖文表示很開心愈來愈多人加入《中年》大家庭，相信公司會做好資源分配。問到想不想拍劇？他坦言家住澳門，暫時不考慮。再問會否考慮在港置業方便工作？他笑言：「雖然我哋曝光多商演多，但使費一樣多，你睇我一身裝扮就知。」
