舒利亞連尼加齊撐熱刺
即使近日被英國廣播公司（BBC）棄用，64歲的英格蘭及熱刺名宿連尼加仍無損心情，聲稱足球就是他的一切！並出席《剩下的就是足球》電視節目，與54歲紐卡素名宿舒利亞、及36歲曼城名宿米卡李察士，暢談對歐霸盃決賽睇法，並分別提供個人心水貼士。
3人在節目開始時，都嘲笑熱刺對曼聯是「腐爛對腐臭」！舒利亞搶先說：「我相信大家都會同意，兩隊喺英超嘅表現都衰到貼地，不過總有一隊會成為冠軍！我預測比賽經過120分鐘會踢成2:2或3:3，然後熱刺互射12碼勝出，結束17年來無冠紀錄！」連尼加立即附和及回應：「我冇得揀，必須支持熱刺！不過我有感覺，係時候結束錦標荒啦，但我唔知道會唔會喺法定時間贏波，我覺得呢場波好容易會加時！」
米卡李察士支持卡斯米路
至於與兩軍都無歷史關係的米卡李察士，則對兩位前輩唱反調：「我諗你哋會失望囉！我想講嘅係卡斯米路已經俾大家笑咗好耐，佢之前經歷過一段長時間失意。不過佢係真正冠軍級球星，我嘅預測係曼聯贏1:0，由般奴費南迪斯助攻畀卡斯米路入波！」
