華仔延續經典 再「劫」觀眾荷包
預告舞台劇再度公演
由朱栢康、魯文傑、麥沛東、芯駖等主演的舞台劇《你好，打劫！Reunion》12場演出圓滿閉幕，出品人劉德華前日下午尾場再度現身，與劇中主角一起謝幕。難得遇上好劇本，華仔有意將劇目延續成為經典，他向觀眾說：「我哋呢班人，喺適當嘅時候會對住你哋荷包講『你好……打劫』！」預告會再度公演。
舞台劇《你好，打劫！Reunion》12場演出順利完成，華仔有感難得遇上好劇本，希望將這個劇目成為經典，一直公演下去！他說：「只要Book到場就再嚟啦，你哋邊個得閒就埋位！」台前幕後即興奮和應！首次參演舞台劇的芯駖感謝團隊包容和鼓勵，她坦言演完最後一場整個人放鬆下來：「因為演出最後一幕已經喊乾晒眼淚，開場前反而想喊，因為12場咁快就完咗，好唔捨得。自己第一次參演舞台劇，可以遇上一班咁好嘅班底，非常難得！」
麥沛東怕被芯駖粉絲報復
問到連續12晚於劇中掌摑芯駖的麥沛東可會覺得心痛？他說：「其實係摑咗13巴，其中一晚連摑兩巴！唔止心痛，而且仲好驚！因為有朋友問我擔唔擔心收到粉絲嘅鎅刀，因為掌摑天團偶像！但芯駖演嗰場戲感情澎湃，我都要情緒爆發，忍唔住要摑佢。」芯駖感謝麥沛東掌摑力度恰到好處，讓她順利完成這幕演出。
好一陣子沒演出舞台劇的朱栢康表示很開心遇上一班好對手：「今次遇上呢班志同道合嘅對手，大家唔止一拍即合，仲令到我有再次享受舞台演出嘅感覺，好正！」魯文𠎀自爆導演朱栢謙發現有網民留言認錯留長髮的他是劉雅麗，令他哭笑不得說：「我真係入咗腦，演出嘅時候真係有一刻畀『劉雅麗』呢3個字影響，好彩我撥一撥頭髮，好快清醒過嚟！」
