水晶宮破城 首捧英足盃
鋼門甸恩軒達臣 錦標獻亡父
英足盃決賽爆出冷門，水晶宮昨晨憑英格蘭國腳中場伊比爾治伊斯一箭定江山，1:0擊敗奪冠大熱曼城，創會119年來首度贏得這項盃賽冠軍，並取得下屆歐霸盃參賽資格。門將甸恩軒達臣成為捧盃最大功臣，除於上半場救出12碼外，全場亦力挽狂瀾屢救險球，賽後這位鋼門激動地表示，要以獎盃獻給亡父。
曼城在這場決賽採取主動，一直壓住水晶宮狂攻，全場射門達23次。不過水晶宮在嚴密布防之餘，亦能組織起快速突擊，丹尼爾蒙路斯於16分鐘快放右路傳中，伊比爾治伊斯第一時間撞射入網，為水晶宮先開紀錄。比賽至33分鐘，曼城貝拿度施華在禁區內博得水晶宮守將泰歷米素爾犯規，曼城獲判12碼，當時夏蘭特原本已拿起皮球，但馬穆殊請纓主射，結果卻被甸恩軒達臣救出，後者今仗先後作出6次精彩撲救，為水晶宮力保勝果。水晶宮今次是第3次殺入英足盃決賽，但之前兩次先後敗於曼城及曼聯腳下，今次總算復仇兼創造球會歷史。
曼城8年來 首次四大皆空
28歲的甸恩軒達臣是曼聯青訓產品，並一直効力球會至2023年，不過始終未能搶得主力位置，近年被不斷外借，到上季季前正式轉投水晶宮。他賽後說：「當夏蘭特將個波交畀馬穆殊嘅時候，我已經知道佢會射嘅方向，我知我可以救到！離開曼聯就係等今日，我終於幫助水晶宮捧盃！」這位全場最佳球員，將冠軍獻給亡父：「開季時我失去咗父親，但佢今日與我同在，一直喺我身邊，我將個錦標送畀佢！」至於曼城輸波，是哥迪奧拿領軍近8年來首次四大皆空，哥帥賽後說：「我哋更加積極，但入唔到波就唔可以贏波，恭喜水晶宮！但我哋會變得更好，今個球季係我寶貴嘅一課！」
今年絕對是歐洲大奇跡年，湧現多個陌生冠軍！博洛尼亞時隔51年再捧意大利盃、紐卡素時隔70年再捧英聯盃、伊高斯91年來初捧荷蘭盃，水晶宮更119年來首奪英足盃。隨後曼聯同熱刺其中一隊，將會成為另一個陌生歐霸盃冠軍。
