張與辰失6位數「相信賺得番」
參加《中年3》狂推Jobs
「中3生」黃博、張與辰、劉洋、趙浚承等昨日錄影《中年好聲音3紅白大戰》，師兄譚輝智和師姐支嚳儀分別加入紅白兩組助陣。成為「中3生」最先有商演的張與辰自爆，參加《中年3》期間推掉不少音樂工作，雖然損失近6位數，但他覺得非常值得：「我相信可以賺得番！」
張與辰比賽後火速有商演機會，稍後帶團到內地遊玩，他說：「好開心，因為比賽9至10個月係完全冇收入，我要專注比賽，推咗好多音樂幕後工作，唔好問我損失幾多，應該接近6位數（港元），但我相信可以賺得番，為咗比賽好值得犧牲。」有傳張與辰家姐報名參加《中年4》，他說：「唔會啦，我反而想媽媽參加，不過佢見我咁辛苦，應該都唔會。媽媽話等我開個人演唱會，上台做嘉賓就可以。」
提到張與辰有意邀請《中年1》冠軍周吉佩到馬來西亞一齊開騷，他說：「因為我哋之前喺節目合唱過，我哋改咗名叫『良辰吉日』，希望可以將佢變成一個騷，到唔同地方唱歌。」他又稱已邀譚輝智到大馬遊玩，於大馬開烘焙店的支嚳儀說：「到時你哋要去我間舖學整餅。」
劉洋目標減40磅
本身是明星足球隊成員的趙浚承透露得知劉洋視譚詠麟（校長）為偶像，故日前偕劉洋和李金凱去「試腳」，他說：「原來金凱好踢得，佢同劉洋嘅球技都得到校長肯定，已經正式入隊。」李金凱笑着表示踢波時被劉洋拉人犯規，劉洋則笑言沒所謂，因為沒有裁判。
趙浚承獲封「第一暖男」，因好友羅逸軒至親離世，他一直陪伴在側，趙浚承說：「因為我哋成日一齊健身同食消夜，比賽嗰陣都有互相鼓勵。」現約230磅的劉洋稱想與趙浚承一齊健身，目標減到190磅，並定下半年期限給自己。李金凱建議劉洋減肥成功與否，半年後都要拍一輯「比基尼」泳照，劉洋說：「其實我來香港前沒這麼肥，因為香港有太多美食，尤其燒鵝，好味的程度在內地找不到。」
