《中年》師弟妹陸續有來 周吉佩怕分薄資源
38歲周吉佩將於7月書展推出自傳《第三人生》，昨日為新書拍封面照，並帶來亡父的相機一起拍照。提到《中年好聲音3》剛結束，第4季已開始啟動報名，身為首屆冠軍的他被問可擔心師弟師妹分薄公司資源？他坦言：「《中年》有太多學員，唔怕就假，怕就一定會有，但都唔怕得咁多，會繼續做好自己嘅歌同準備出書，同埋拍網上節目。《中年》有好多好有實力嘅人，希望將來有機會合作。張與辰同我傾過，佢想喺馬來西亞開騷，有問我一齊去好唔好，我當然想，如果能夠去馬來西亞真係託佢鴻福。（新書係自己投資？）我同團隊一齊做，公司都有參與。」
吉吉說：「有人覺得我年紀尚輕就出自傳，似乎太早，但我覺得人生有唔少值得分享嘅經歷，希望以自身經歷鼓勵同路人。」問到可會騷肌拍照？他笑言：「新書唔適合騷肌，或者留到出寫真集先騷，但暫時冇考慮影寫真。」
