傳被飛出新劇 龔嘉欣冇否認
體驗通渠工作 全身臭味
由15位藝人體驗不同工種的無綫綜藝節目《一日打工限定》昨日舉行記者會，黎諾懿、龔嘉欣、賴慰玲、吳偉豪與劉穎鏇輪流分享打工經驗，當中以嘉欣的工種最令人驚訝，要做通渠師傅的厭惡性行業！對於有傳她被飛出新劇《璀璨之城》，嘉欣未有否認，只稱與該劇監製關係良好，相信將來會有合作機會。
視后龔嘉欣於無綫節目《一日打工限定》體驗通渠師的工作，她坦言沒有選擇做什麼工種：「因為我冇試過打工，第一份工就係演員，所以抱住一不做二不休嘅心態，一做就做最激。節目組都問過我嘅尺度，我只係話到時再算，因為我對做通渠冇概念。」她感激兩位師傅拍檔，對她憐香惜玉：「我有問師傅呢行有冇女人，佢哋話之前有兩個，但以私人理由離職，唔係因為做厭惡性工作。」
嘉欣最難忘做完通渠後滿身臭味，坐工作人員的車輛時致滿車臭味。之前有傳嘉欣獲視后獎後會離巢，問到是否因此被安排做厭惡性工作？她笑言：「唔係，獎座前兩日先刻完名交到我手，我覺得係一個新開始，反而想幫到更多人，所以今年會多做慈善工作。」有傳她被飛出新劇《璀璨之城》，她未有否認臨時易角，只表示與劇集監製關係良好，將來仍有很多合作機會。
賴慰玲學識劏魚
體驗做兩餸飯的諾懿與做魚販的賴慰玲，異口同聲表示不能接受通渠工作，賴慰玲說：「如果要我做，我一定會推，因為我怕臭。」諾懿亦說：「我都好怕污糟，有少少污糟已經可以令我全日唔開心。」賴慰玲表示本身不會入廚房，今次做魚販學識劏魚，並懂得挑選最好的象拔蚌。
諾懿表示：「唔好以為做兩餸飯好簡單，做廚師要一個人識得煮幾十道菜式。」問到有否興趣開兩餸飯店？他說：「唔會，因為太辛苦，萬一廚師走咗搞唔掂。」提到他與李佳芯合演馬來西亞劇集，他說：「仲未落實，如果真係拍，預計要拍兩個月。」
