讚老爺志偉好戲 王敏奕盼再合作
拒戴假面具迎合愛人
王敏奕於無綫劇 《虛擬情人》飾演電腦奇才程晴，以心目中伴侶的理想條件，創造事事以她為先的虛擬完美情人Adam（朱敏瀚飾）。但現實中她認為真正的愛情不需要猜測或偽裝，而是建立在真誠和默契之上。她坦言暫時冇機會跟老公曾國祥合作，但原來她最想跟老爺曾志偉再結戲緣，因對方是能帶動對手的好演員。
採：梁靜儀 攝：黃艾力
王敏奕認為愛情最重要是真誠，最怕與親密的人互相猜忌：「我好怕要猜來猜去，我個人好直接，好怕啲嘢太複雜，尤其感情，同最親密嗰個人有一種默契同聯繫，係一種同全世界都冇嘅聯繫，對我嚟講係至高無上嘅愛情。」現實世界很多人戴上面具，從而收起真實的自己，在感情世界尤甚。王敏奕剛好相反，感情開始時她會先敞開心扉，之後才慢慢收起自己。她說：「最適合我嘅人，係畀我做真實嘅自己，而唔係要我遷就或改變，勉強迎合只會令自己失去快樂。」她認為專一是愛情的基本要求：「真正愛你嘅人，唔會要你『躺平』去迎合。」
讚朱敏瀚有心思
在《虛擬情人》中，王敏奕首次與朱敏瀚（朱仔）飾演情侶，兩人默契十足，甚至加入不少即興互動增強CP感，她讚朱仔是個好有心思的演員。提到朱仔有騷肌戲份，她踢爆助手頻頻尖叫：「證明觀眾都會有同樣反應，希望觀眾睇到嘅反應都同我助手一樣開心。」
王敏奕坦言被老爺感染，說話不會像以前般緊張：「以前講嘢太正經，依家學識輕鬆啲。」至於老公曾國祥近年主力幕後工作，她則專注幕前演出，問到可有機會「夫妻檔」演出？王敏奕稱暫時未有機會，將來就很難說，如有好作品亦不抗拒，並乘機讚老公是好導演：「佢係我見過其中一個脾氣最好嘅導演。」她反而最想跟老爺再結戲緣，她憶述早年曾與曾志偉在微電影飾演父女，對方更親自下廚，至今回想仍感溫馨，大讚老爺是能帶動對手的好演員。
