古淖文盼與劉洋合唱
《中年好聲音2》歌手古淖文與甘永傑昨日出席《同芯慈善盛典》記者會，古淖文透露將在慈善騷上唱12首歌：「平時做慈善騷通常只唱三四首歌，感覺似做《歡樂滿東華》，要一個人唱晒『卡拉之星』。」提到《中年好聲音3》圓滿結束，古淖文和甘永傑已榮升師兄，他們笑言不會有壓力，古淖文表示：「我好鍾意Jam歌，除咗同甘永傑、劉威煌之外，依家多咗好多選擇。」
古淖文表示很期待與劉洋合唱：「當晚我哋喺台下聽劉洋唱《Without You》，佢真係好厲害，坐我隔籬嘅譚輝智都話劉洋會有20分，我就話有100分都唔出奇，當然冠軍黃博都好犀利，其實入得7強每個人都好勁。」甘永傑笑言當晚因沒有前排門票，只能坐在包廂欣賞比賽，但也感受到劉洋的強勁歌聲。
