Messina
芝麻椰絲椰子配麥芽糖葱
來自澳洲的Messina在2021年成功在砵典乍街開設首間海外分店，今年更於山頂廣場地下G08號舖開設第二間分店。店內陳列了40款口味，包括30款經典口味、5款本港獨家口味，以及5款每周輪流推出的特別口味，每款均是每日以最優質的牛奶新鮮攪拌，確保客人能品嘗到濃郁香滑的體驗。
當中包括粒粒朱古力、開心果仁糖、海鹽焦糖白朱古力、海鹽椰子配芒果莎莎等，味道選擇眾多，每球由45元起。山頂店更帶來獨家口味─芝麻椰絲椰子意式雪糕配麥芽糖葱，靈感來自無數港人的童年回憶—糖葱餅，創新之餘味道亦相當有驚喜，值得一試。 除了限定味道外，Hong Kong Milk Tea亦是出色，有香濃的奶茶味，食完口感會好順滑。淡淡既甜味，好容易令人食完一啖又一啖，至於Salted Caramel and White Chocolate（焦糖海鹽白朱古力）則為鹹味雪糕，鍾意焦糖海鹽者可以試吓。
有Foodie表示，一次過見到30幾款口味，吸引之餘亦容易令人有選擇困難症，而Gelato亦頗大杯，分量十足，值得一試。
