「結他新星」Dale決心闖幕前
早前於謝霆鋒啟德演唱會爆紅的17歲「結他新星」Dale，近日首度為連鎖快餐店拍廣告，當年17歲的霆鋒亦是首次為該快餐店拍廣告，認真有緣。Dale說：「其實參加霆鋒演唱會前，自己已下定決心轉向幕前發展，依家多咗網民關注同認可，係一種推動力，鼓勵自己努力實行呢個計劃，所以我會以全新身份繼續喺娛樂圈發展，唔止係結他手，而係以獨立音樂人身份發展。其實之前已自學編曲，都創作咗一啲作品，只係未有勇氣推出，計劃完成霆鋒演唱會後付諸實行，期望將來表演畀大家睇。」
談及發展大計，Dale直言：「我最想同唔同嘅音樂人合作，擦出唔同火花，終極目標係同國際性嘅音樂人合作，令香港音樂唔再局限本地，可以面向世界！」
