張智霖聽醫生話 唔節制飲食
張智霖前晚為《中年好聲音3登峯之戰》擔任評審，賽後他表示對賽果滿意，讚比賽氣氛很好，自己樂在其中：「有好多首歌我都有眼濕濕嘅感覺，但做評審要專業，所以盡量要忍住。」談到他說「不完美之中的完美」評論黃博唱功，他解釋：「唱歌有時唔一定每粒音都完美先成功，最重要係有冇投入感情，做到動人心弦、觸動觀眾內心。」
談到他早前入院切除膽石，張智霖表示現時身體很好，並將拍無綫新劇，已做足準備拍沉重劇情。問到有否爭取多點時間休息？他說：「有，但若果爭一場半場，都想以劇為先，我想好投入去拍一套大家鍾意嘅戲。（有冇聽老婆袁詠儀話注意飲食？）冇，因為我做咗手術，以前食肥膩嘢會痛，但依家冇咗膽石，我要試多啲添，醫生話要試吓係咪運作正常。」
