放下教鞭做顧問 雲伯伯策劃未來
現年73歲的雲尼亞里，上季尾為卡利亞里護級成功後，原本已公告退休。不過去年11月接到羅馬邀請，才勉為其難又一次復出，結果「雲伯伯」再度顯示非凡功力，帶領下游的羅馬衝擊歐戰入場券，並當選今屆意甲最佳教練！不過「雲伯伯」堅持今夏不會繼續：「我舊年已經準備好退休，喺教練職位遊歷世界接近40年，但從未有時間睇清楚個世界，喺我死之前，真係想睇吓足球以外嘅事情。去年底仲有好多人搵我，但我只聽卡利亞里同羅馬電話，始終感情深厚，所以喺羅馬困難嘅時候，我重返球場，但已經係最後一次！」
雖然今夏放下教席，「雲伯伯」下季仍被委任為羅馬「主席顧問」，他說：「其實我唔知呢個職位係乜嘢嚟，不過我會同主席、球會嘅領導層作詳細規劃，要喺今季基礎上進一步發展。我嘅心願好簡單，就係羅馬可以長期參戰歐聯！畢竟球員至係球會嘅主角，我會為佢哋提出建議，最大方向係每個崗位嘅同事都要減少犯錯！」
