何晉樂曾經迷失 「角色救咗我」
拍《愛·回家》入屋 盼被姚焯菲暗戀
歌唱比賽《聲夢傳奇》出身的何晉樂（Rock）有幸拍攝無綫處境劇《愛·回家之開心速遞》，開啟歌視雙線發展之路。他坦言加入劇組前處於迷失期，不知道前路如何走下去，所以很感激公司給予機會：「呢個角色可以話救咗我！」
採、攝：記者 子棠
新生代歌手何晉樂入行數年，主力唱歌及擔任節目主持。去年6月他加入《愛·回家》劇組，飾演龍家三房兒子龍舟（Joe），他開心稱現時走到街上，很多市民都叫他「Joe少」，證明劇集影響力強勁。
畢業於英國名校及擁有藥劑師牌的Rock與角色有共通點，都是外國讀書回港，亦同樣是28歲，他更透露有一個隱藏的共通之處：「我個角色係為咗唔想工作，所以一直留喺外國讀書，最後為咗應付媽咪先返香港嘅『小屁孩』，亦無意爭家產，所以選擇留喺公司IT部做一個冗員，主要係玩，其實都有啲似一年前嘅我。」
希望歌視平衡發展
Rock坦言當時很迷失，不知自己的工作方向，處於摸索心態：「諗過不如先玩一陣，因為舊年年初發表新歌後，好似冇乜工作，唔知之後應該點做。嗰時我比較失落，突然之間收到加入劇組嘅好消息，好多謝公司畀我呢個機會，等我有新嘗試，呢個角色可以話救咗我，亦令我對拍劇產生興趣，希望未來有機會挑戰更多唔同角色，有更多新嘗試。當然我唔會放棄唱歌，如果可以歌視平衡發展就最好。」
「聲夢」好友Chantel亦加入了《愛·回家》，問到若有感情戲會更容易處理還是更難駕馭？Rock認為大家合作起來應該較易，但大家一定忍不住笑。他忽發奇想說：「之前我喺《青春本我》暗戀佢，如果我哋喺《愛·回家》真係有感情線，最好今次輪到佢暗戀我，咁我一定演得更容易，事關扮Cool就得，哈哈！」
