張繼聰追求心中富有
由張繼聰、吳肇軒、吳岱融、朱咪咪、韓曉噯、童繽毓等香港與馬來西亞演員主演的電影《做個有錢人》，將於5月29日在香港上映。張繼聰表示當初接拍這部電影，抱着學習心態去參演，因可跟來自不同地方的演員合作，了解當地電影文化，希望擦出火花，加上有不少香港前輩演員，即使異地開工，也份外有親切感。
張繼聰說：「電影主人翁係真人真事，係一個白手興家嘅拿督，劇本同訊息好正面。我拍呢部電影都思考過何謂富有？我當初出道都唔敢奢望自己有今日嘅機會，同埋依家所得嘅一切，所以我好感恩，當然我一直努力付出。但任我幾有錢，都唔及家人身體健康重要。就算家財萬貫，但每晚要食安眠藥先瞓到，賺嚟嘅錢大部分用嚟睇病，做個咁嘅有錢人又有乜意思？所以心中富有嘅有錢人，先係我真正追求。」
