勇士慘勝木狼 咖喱拉傷缺陣 Game 2
NBA季後賽次圈，金州勇士雖有王牌史提芬居里於上半場傷出，仍憑將士用命，作客以99:88擊敗明尼蘇達木狼，場數領先1:0。賽後勇士教練卡爾證實，「咖喱」將會在Game 2休戰，不會上陣。
勇士三分王史提芬居里，在比賽第2節開賽不久就因左腿腿筋拉傷退下火線，之後宣布不會在餘下時間返回球場。不過，他在離場前已貢獻了13分，為球隊奠定贏波優勢。球隊在「咖喱」離場後，先有德雷蒙格連罕有地連入3個三分波，頭兩節則得到全場最高16分，不論爆入禁區或外圍投射都交出上佳水準；第3節到畢迪連中兩個三分波；到最後一節則輪到占美畢拿發威，掌控了比賽。木狼今仗表現失準，尤其上半場15次外線投射三分波無一命中，輸波亦無話可說。
占美畢拿賽後說：「冇咗居里，一定會打得好辛苦，好在作客先贏一場！嚟到呢個階段，我哋做咗必須做嘅事，然後就等咖喱返嚟！」
