曾被觀眾搭膊 龍婷推開怒睥
唔知《中年3》參賽者遭塞錢錫面
龍婷未參加《中年好聲音》前，已在旺角街頭唱出名堂，演出經驗極之豐富。對於日前有《中年3》參賽者在酒樓登台時被長者塞錢兼錫面，龍婷坦言未試過類似情況，但遇過熱情觀眾搭她膊頭，她即推開兼「怒睥」對方，揚言遇上不喜歡的事情，必定會當場拒絕。
《中年好聲音》歌手龍婷與內地歌手王靜前晚在文化中心擔任《永遠的鄧麗君30周年紀念慈善交響音樂會》表演嘉賓，獻唱多首鄧麗君經典名曲。龍婷笑言已忘了在文化中心表演過多少次，不過首次跟合作10年的青年樂團演繹鄧麗君的名曲。她透露早前到湖北拍無綫旅遊節目，之後又到澳洲開兩場演唱會，故綵排時間不多。
最重要臨場應變
談到湖北之行，龍婷開心稱首次拍旅遊節目：「朝早落雪，晏晝着短袖衫都覺得熱，每朝強制6點起身，坐五六個鐘巴士。」雖然行程緊密，但她笑言今次是養生之旅：「喺湖北每日食好多餐，飛到澳洲都唔敢亂食，但澳洲嘅中餐好好食，好在我有做運動，所以冇肥到。」
談到《中年3》100強參賽者禤振華早前在酒樓登台，遭一位年長女歌迷強行塞錢兼錫面，龍婷表示不知情。問到可遇過類似情況？她表示沒有：「可能大家覺得我外表Cool，加上我嘅觀眾本身較斯文。如果遇到咁嘅情況，我會好惡，一定會拒絕！（你點惡？）之前喺西洋菜街演出，好多觀眾搵我合照，試過有人搭我膊頭，我即刻推開，因為大家知我唔鍾意。我唔會鬧佢，只會用凌厲眼神望佢。」問到可會覺得歌手搵食艱難？她表示每次演出都有機會遇到突發情況，最重要懂得臨場應變，慶幸自己未遇過不快事。
提到《中年3》決賽本月11日在啟德體藝館舉行，龍婷很開心可以擔任暖場嘉賓：「有機會踩一踩個場地。（視察呢個場地適合自己演出？）一定適合，有機會肯定去做。」
