曾樂彤扮蚊垂死掙扎
曾樂彤昨日推出今年第2首派台歌《蚊子血》，以張愛玲的「蚊子血」為靈感，展現獲得愛情後卻不再被珍惜的一面。她表示剛開始填詞，腦海已浮現MV概念：「MV一開始我會化身一朵巨型玫瑰花，跟住有隻手突然出現，好猛烈將我拍死，然後我就由玫瑰花變成一隻垂死嘅蚊。」
曾樂彤坦言最初擔心很難拍攝這個概念，尤其不少朋友聽完都不知如何反應：「所以我真係好幸運遇到今次嘅導演同團隊，可能就係所謂嘅化學反應，佢哋將我咁古怪、極致的概念拍得非常唯美。特別係造型方面，大家都放咗好多心思，誇張紅色頭髮、超貼身嘅露腿bodysuit，佢哋令我相信最終成果會好。我最開心係見到每個人都投入、開心，感覺我哋一齊成就呢個作品。」
