鮮果雪奶分量足2人食 Nun Desserts Cafe
位於旺角通菜街119號地舖的Nun Desserts Cafe，提供各式韓式甜品，主打是鮮果雪奶（75元起），雪奶就是將牛奶冷凍成冰再刨碎，因此每碗雪奶都有濃郁的奶香味道。配上新鮮水果，不單擺盤靚，每啖口感亦十分扎實，加上分量十足，足夠兩人一碗。現時天氣炎熱，不妨趁周末來個二人世界。
韓式綠寶石香甜蜜瓜雪奶是這裏的王牌，冰都算綿密，而蜜瓜多及新鮮，基本上都甜。另外有一個蜜瓜味雪糕，亦與整個冰好夾；韓式特級香滑醉人草莓雪奶，整個冰上面360度鋪滿一片又一片的草莓片，草莓好新鮮，香甜多汁，還可加草莓醬同食，提升甜味，中央絲滑的忌廉貼上一塊一口小芝士蛋糕和朱古力塊；底下的沙冰打得很碎，完全沒有冰塊感，入口有淡淡的牛奶味，好綿密。還有韓式櫻花沙冰（荔枝味）、韓式鮮芒果沙冰、韓式白雪幻彩馬卡龍雪奶等多款選擇。
有網友指出：「雪奶有好多款式，又足料，好抵食，如果人多可分幾份一齊食吓。」
