衛詩雅讚老公 有潛質做KOL
衛詩雅昨日以大使身份到旺角一間戲院宣傳「全港戲院日2025」，並請觀眾食爆谷，場面熱鬧。她笑言：「我第一份應徵工作係戲院從業員，但失敗咗，今日可以派爆谷，算係還咗心願。希望再搵我做大使，因為未夠喉，想做埋帶位員享員工福利免費睇戲。」
提到仍在上映的電影《破·地獄》票房接近1億7千萬元，衛詩雅表示很開心，證明觀眾喜歡入戲院睇戲。貴為出爐金像影后的她坦言一直工作，早兩日才放假，也只是與老公去放狗、食薯條及飲啤酒當慶祝。她大讚老公拍片很出色：「依家愈來愈多人Follow佢，好犀利！第日可以同我一齊拍片做KOL，不過我都有提佢放相放片要小心，最緊要唔好將我未化妝或者啱啱瞓醒嘅相放出嚟，我要教育吓佢。」
