【欄邊老司機】無敵精英拔頭籌
魯斯基
今次兩匹心水分別馬提供為「無敵精英」、「美麗歡聲」。
頭場「無敵精英」谷草五班一哩能手，至今三捷全在此程取得，上年11月跑完後因體內有大量出血，所以抖咗接近五個月才見今回復出跑勝途，呢次排得不俗嘅二檔起步，預計楊明綸可輕鬆跟守前列包廂位置，應該會相當好跑，值得大家優先留意。
第二場「美麗歡聲」此程能手，當中上年11月喺Ｃ加三欄用艾道拿排六檔跑同程，不敵頭馬「都靈勇士」蹄下僅輸半個身位。上賽同程初用艾兆禮排劣檔仍能追得殿軍，呢次人馬捲土來而排檔大幅好轉，加埋現時評分已下調至歷季新低嘅41分，較早前入Ｑ時還要低6分，相信今場有力左右大局。
