霆鋒寫「變態」歌 Gin爆發潛能
膽粗粗邀大師兄合作
英皇歌手李幸倪（Gin Lee）膽粗粗邀大師兄謝霆鋒合作，想不到對方一口答應，更擔任她的新歌《白夜行》監製兼作曲。霆鋒表示很喜歡創作「變態」難唱的歌曲，Gin則笑言勇於接受挑戰，很感激霆鋒激發她的潛能。
李幸倪今年第二首新歌《白夜行》上架，找來剛於啟德開騷的大師兄謝霆鋒作曲兼監製。Gin笑言是「膽粗粗」邀霆鋒寫歌，自爆當初抱着「隨緣啦，佢咁忙邊得閒理我」的心態：「我就係想同佢合作，一係寫歌一係拍電影，總之有得合作就好開心，乜都試吓，哈哈。」誰不知霆鋒真的寫了一首高難度歌曲，霆鋒說：「最鍾意幫人寫咁變態難唱嘅歌！」連Gin亦覺得是入行以來數一數二難唱的歌！
Gin透露霆鋒寫歌前做足功課，聽了她的舊歌才開始創作：「佢需要了解我嘅聲線、唱法、風格。聽咗我好多歌，覺得我嘅實力未有真正發揮出嚟，所以就特登寫咗咁難嘅歌畀我，激發我嘅潛能。呢個係佢好意，我亦都非常樂意接受呢一個挑戰。」隨後霆鋒透過經理人問她三個「個人Keywords」，Gin說：「我糾結咗好耐，最後淨係交到『無拘無束』同『自由奔放』兩個，最後一個真係諗爆頭都諗唔出！」後來霆鋒見到她搞笑投訴：「你呀！叫你畀三個，你畀兩個！一定係糾結到死啦！」
Gin讚霆鋒很細心：「佢真係好了解我，可能大家都係處女座。」新歌難唱的程度令她錄了3日，最後霆鋒更於自己開騷前12日親自監場，Gin說：「佢特登抽時間同我錄音，我真係受寵若驚！」
靠退熱貼「續命」
今次MV遠赴雲南小鎮取景，Gin自爆瘀事：「出發前睇咗天氣報告以為好凍，帶晒啲冬天衫同羽絨，點知去到先發現原來當地超過30度！因為我哋睇咗個地區係一個大啲嘅範圍，但我哋嗰個地方係一個小鎮，原來爭兩個鐘嘅車程，天氣已經非常唔同，要靠退熱貼同風扇『續命』！」
