飲得靚湯底有4款濃度 貴緣小鍋米線
米線關注組人氣店之一的貴緣小鍋米線紅磡店去年結業，一度只剩下北角分店支撐大局。幸半年後紅磡店在大角咀櫻桃街38號西九匯2樓205號舖重開，更重召大部分員工，開幕後人氣不減，繼續提供健康高質足料米線。
這店向來以健康著稱，希望客人可以連湯飲，於是對辣度存在着一種「輕」的睇法，並建議首次點辣的客人，先嘗試中或小辣，以便品嘗湯頭的原味道，酸辣同麻辣湯底（32元）新設4級濃度選擇，然後再揀餸，每款10元起。如果胃口大想樣樣要些，不妨點大癲米線山（99元），內有10款指定配料，包括秘製腩肉、冬菇王、魚肉春卷、雞翼、雞絲、豬紅、蘿蔔、響鈴、螺旋藻和紫菜，配料堆起來有如小山般高，且分量多又好高質，上枱時你會發覺真係好大碗，適合大胃王挑戰。酒煮醉香鮮雞配豬軟骨米線（80元）足料，雞件好滑，豬軟骨又腍又入味。
小食亦不時有驚喜，例如蒜泥白肉（28元），白肉肥瘦相間，配上橙色的蒜蓉醬，唔覺好油膩。甜酸齋（25元）更是新鮮現做，甜酸味道適中，食落幾開胃。還有酒香醉雞翼（39元）入口確係滲出陣陣酒香，有一份醇厚感，肉質嫩滑，整體味道唔錯。
