張與辰唱出性感味道 海兒聽到面紅耳熱
《中年好聲音3》周日一集主題為「改編歌之夜」，今集亮點之一是自彈自唱的張與辰！他以慵懶又具魅力的聲音唱《拒絕再玩》，他表示希望每次演出都帶給觀眾不一樣的感覺：「因為我從來未Sexy過，但又冇胸肌，所以攞件Scarf嚟冚吓。」
一眾評審對張與辰的表現有讚冇彈，海兒坦言聽完面紅耳熱：「你把聲好似跳緊脫衣舞咁，可以用聲音做到咁多唔同音色，我覺得可以叫你Ad-Lib王子，好正，真係好少聽歌聽到面紅。」就連「百彈齋主」周國豐亦給予高度評價：「成件事你有少少唱到靈魂出竅，真係唱得好好，你同隻歌已經合而為一。頭先我用咗至少45秒時間，究竟畀19定20分你。」
