預告金像戰衣大Deep V 衛詩雅自嘲難性感
衛詩雅昨日出席「全港戲院日」記者會，提到香港電影金像獎將於周日舉行，身為影后大熱的她透露已挑選幾套戰衣，其中一套大Deep V晚裝直落肚臍位，但她自嘲冇身材：「我着上身都唔會好性感。」並指有給老公過目，更會一齊行紅地氈：「我有幫老公揀煲呔，但我自問似男人眼光，覺得每套着上身都冇乜分別。」她又稱已叮囑老公要選一對舒適的皮鞋，因逗留頒獎禮的時間很長。
問到5月10日「全港戲院日」會否跟老公一同入戲院作支持？衛詩雅笑言要視乎能否成功搶飛，不過日前已跟老公看《破·地獄》加長版：「我冇諗過佢睇咗三四次依然感動到喊！其實佢本身好理智，我都好驚訝佢會喊，主要部戲涉及親情，加上又係我演，佢更加代入。」
