馬體會釋放壓「歷」大發洩
施蒙尼接受現實 向球迷交代
西甲周中快車第33輪，第3位馬德里體育會主場鬥第10位華歷簡奴。馬體會經過黑色3月，於歐聯、西盃及西甲全面崩潰，聯賽已落後榜首巴塞隆拿13分，爭霸機會名存實亡。教練施蒙尼指球隊不敵巴塞及皇馬兩大班霸並非恥辱，鼓勵眾將抬起頭應付餘下球季，向主場球迷交代，並及早確保下屆歐聯參賽資格。主場擺大頭出擊，面對無欲無求的華歷簡奴有力大發洩，投注首選﹝2.5﹞大盤。（NOW 632台周五3:30am直播）
馬體會上輪西甲作客失望地0:1不敵護級球隊拉斯彭馬斯，施蒙尼賽後承認今季徹底失敗：「歐聯被皇馬淘汰、西盃不敵巴塞，依家聯賽都無望爭霸！的確，我哋已經被榜首雙雄拉開咗差距，今季無力為球迷帶嚟任何冠軍！我哋對拉斯彭馬斯上半場踢得唔錯，但錯過好多機會，今季失敗已成定局。不過仍然要挺起胸膛，我哋仲有3場主場聯賽，對華歷簡奴、皇蘇同貝迪斯，都需要為球迷而奮戰，仲要盡快確保下屆歐聯資格！跟住就可以集中精神迎接6月世冠盃！」
事實上，馬體會今季戰績不如前，主要原因是作客表現反覆，近6場作客正式賽事只贏過一場。不過主場始終有威力，今季各項賽事主場10戰7勝，只曾輸過給巴塞隆拿。不過上次西甲主場面對篤定降班的榜尾球隊華拉度列，竟然被攻入兩球，最終雖贏4:2，但防線演出無復過去穩健。馬體目前傷疲盡起，可以排最強進攻陣容出擊，施蒙尼相信眾將釋放壓力後，可以重新展現應有進攻火力。
華歷簡奴作客入到波
華歷簡奴高不成低不就，近9場正式賽事只贏一場。不過勝在作客甚至遇強都肯攻，近12場作客正式賽事有11場入到波，包括上月作客1:2僅負皇馬。中場伊斯美施斯及柏度戴亞斯腳風甚順。今仗在無壓力下同樣沒有死守必要，有條件與防線不穩的馬體會駁火。
