修理結他長達年半 Ken盼交回黃貫中
樂隊Nowhere Boys日前到旺角T.O.P商場舉行Mini Live，提到黃貫中（Paul）早前在社交網發文感謝Nowhere Boys結他手Ken，幫手尋回並維修失去超過30年的結他，Ken解釋由發現、維修、物歸原主的過程長達一年半：「支結他係一個同我夾開Band嘅村民畀我，好多零件壞晒，估計係1987年出產嘅Steinberger結他，裏面嘅零件我冇學過，最後好好彩搵到間廠肯同我重新生產，但啲零件寄到嚟，我都唔識整，要再花好長時間上網搵呢支結他嘅設計圖，再搵師傅整咗4個月。」
雖然更換了零件，但結他音色仍未達標，去年Ken仍帶這支結他作表演。他說：「我當日學結他都因為Beyond，好清楚一支結他對結他手有幾咁重要，希望可以喺Paul生日之前將支結他交番畀佢。」
