關心妍搵錢營運慈善基金
關心妍到新城廣播接受訪問，她透露忙於在內地舉行巡唱，早前亦跟北京一間唱片公司簽約。提到她早年成立「妍亮生命慈善基金」，每年需要約六十萬元資金作營運，她表示會將巡唱的部分收入捐給慈善基金：「所以點解我一路要做巡演！我近年喺香港唔係做好多活動，因為身份唔同咗，有基金又要教小朋友，搵錢方面少咗好多，所以因為呢個基金，我要好努力搵錢。同埋我唔係好識籌款，唔係好識去『打劫』人哋荷包。不過一個人去做已經做咗10年，好感恩，會一路做，幫得幾多得幾多。」
關心妍表示有空便會去懲教署或某些戒毒機構作探訪：「佢哋會覺得我以前聽你唱歌，但你今日竟然會嚟搵我，原來我哋嘅影響力係你同佢講一句加油，嗰句加油嘅重量會好大。」
