屈堅斯抱怨 曼聯乘虛而入
維拉上周末大炒紐卡素，29歲的當家射手奧尼屈堅斯復任正選，表現光芒四射！除閃電為球隊首開紀錄外，上半場亦曾經攻門中楣中柱，另外亦為隊友伊恩馬特臣送上助攻。屈堅斯這個入球是今季第15個英超入球，同是亦累積75個英超入球，平了前輩艾邦拉荷的隊史紀錄。
不過屈堅斯對近日被領隊艾美利打入冷宮抱怨：「歐聯對巴黎聖日耳門兩回合，我合共只踢20分鐘，我唔想講大話，對於冇得踢我覺得好嬲。冇得參加最大嘅舞台令人失望，維拉有今日，我有好大功勞！」
屈堅斯近期多次被曼聯借將拉舒福特搶去正選位置，曼聯高層與領隊艾摩廉研究後，已決定放棄讓「福仔」今夏回歸！趁屈堅斯失寵，英國《太陽報》報道，曼聯已準備用27歲的「福仔」加一筆可觀轉會費，爭取交換屈堅斯改投曼聯，取代令艾摩廉失去耐性的箭頭海倫。當然，要打動維拉放人，就要看這筆轉會費有幾可觀了。
