讚「女兒」黃潔琪對答得體 家教好 袁詠儀緊張Chilam健康 凌厲眼神作預警
香港文匯報訊（記者 阿祖）馬來西亞電影《OMG！阿媽有喜》昨日舉行復活節優先場，女主角袁詠儀（靚靚）與戲中女兒、馬來西亞演員黃潔琪（Miko）出席謝票活動。靚靚老公張智霖（Chilam）近年飽受膽囊炎困擾，更曾因此無法出席活動，需要送醫看急症，上月他終於在上海醫院動手術切除膽石，靚靚坦言會勸老公多注意健康小心飲食，但常以言語提醒容易使人厭煩，所以她會以凌厲眼神代替。
蔡一智與太太、朱晨麗及張達明昨日前來支持靚靚的新片。靚靚在今次戲中飾演高齡產婦，她演出時衣着打扮都要配合年紀，甚至素顏演出，靚靚說：「做阿媽喺屋企冇理由化行個妝，角色上需要入戲。」而黃潔琪戲中經常玩Cosplay，問有否找「阿媽」靚靚一齊玩？她搞笑說：「想，但阿媽唔得！」靚靚即為她更正：「佢啲粵語係有限公司，只係我個角色比較嚴厲，對年輕人多限制，晏咗唔返屋企會落閘，先唔會搵阿媽玩，但會互相頂嘴！」
Miko自問頂嘴也不擅長，靚靚就指她真人與角色有很大分別，有時拍完戲想再留下檢討和討論之後拍什麼，她每次都急急腳揹背囊就走，初時都以為她去玩，原來是趕回家做宅女。靚靚笑言：「但我哋就留難佢，要佢留低，夜些返屋企，又教佢飲酒，就連戲入面我老公陳峰，本來係個好爹哋好老公，都教佢飲酒、賭波、買彩票。」靚靚不否認帶壞一班馬來西亞演員，但這也顯得大家相處融洽似足一家人。
Miko被形容為「翻版林明禎」，Miko表示也得知這稱號，但是否相像則見仁見智，可能媒體對她比較陌生，這樣會有更多人認識自己，感覺倒不是壞事。靚靚聽罷即大讚「女兒」答得很得體，她笑說：「我嗰時識咁講，就唔會得罪咁多人，真係家教好！」
指Chilam膽囊炎或會復發
談到靚靚與老公Chilam早前到浙江普陀山參拜祈福，兩人全程手牽手，Chilam沿路為靚靚拍照，更喝同一杯奶茶，表現恩愛。靚靚表示與老公每年都會去普陀山春遊：「因認識到當地寺廟嘅師傅，每年就去見吓面食齋行吓山，其實都係人太多，佢先拖實我驚走失，而嘢飲一杯都飲唔晒！」但今年其子「魔童」沒同行？她指兒子已經去過幾次，今年亦有誠意安排，只是兒子在假期有自己的節目。問她是否每年都去求健康？她說：「年紀有番咁上下，都係想食得、瞓得、玩得。」而Chilam近年飽受膽囊炎困擾，上月終於在上海醫院動手術切除膽石，問及Chilam病況，靚靚答道：「佢OK，進展良好，攞咗粒膽石出嚟，但攞出嚟仍然有機會復發，要盡量減少發炎，如果佢太任性，咪再痛7粒鐘囉。」問她會否勸老公多注意健康小心飲食？她說：「如果我經常講佢會覺得老婆好煩，我有時會提醒，或者畀個凌厲眼神提一提！」
