夥林智樂派復活節朱古力 姚焯菲讚「表姐」嘉洛靚女
香港文匯報訊（記者 阿祖）姚焯菲（Chantel）和林智樂（Felix）趁復活節前夕（17日），特別到新城廣播大派復活節朱古力，人人有份。步入大堂，第一位就派給保安及接待處姐姐，之後再禮貌地向新城首席營運總監馬浚偉及多位高層、一眾DJ和幕後員工逐一送上復活節朱古力。新城首席創作總監周禮茂一向十分欣賞林智樂，他表示有留意Felix的新歌《發夢的練習曲》並十分讚賞，即時令到Felix開心到飛起，兩人並祝福所有樂迷復活節快樂。
Chantel近日忙於拍攝《愛·回家之開心速遞》，她透露復活節應要開工，但未收到確實通知，並笑言忙到幾乎忘記節日。提到在劇中飾演「彤彤」一角，Chantel坦言十分享受，她開心地表示：「我發現拍劇好好玩，一開始拍時會做到好僵硬，背對白多過做戲，不過每個人拍戲一開始都係咁，𠵱家就習慣咗個環境，同埋知道『彤彤』應該點講嘢，會搵返『彤彤』講嘢嘅節奏同感情。」
至於日前與劇中表哥金城安（周嘉洛飾）拍攝了一條片，Chantel透露當天在公司拍攝MV，適逢周嘉洛在隔籬廠開劇，所以邀請他過來探班，Chantel表示：「佢咁啱喺劇入面扮一個女人，經理人話今日有個『表姐』嚟探班，其實我已經估到係表哥扮女人，不過我事前真係唔知佢會嚟，之後就拍咗條片。」對其「表姐」造型有什麼評價？Chantel笑說：「好靚女，佢好有天分做女人，扮得好似。」而Felix亦表示有捧Chantel場，他說：「『彤彤』第一集出場我已經喺電視機睇，一個字，好！」
