袁偉豪體驗人生 接全裸工作
袁偉豪近日接受資深製作人楊紹鴻訪問，談到他曾接全裸工作，他說：「嗰時我25歲，做啲幕後工作，得閒就搵兼職，咁啱喺網上見到有啲畫家定期做人體素描，問我有冇興趣。當時拍拖嘅朋友仔性格比較洋化，就鼓勵我去嘗試，咁我又覺得人生係要多啲經驗，所以就膽粗粗去試。」提到他近年曝光率大減，袁偉豪坦言：「以前好多嘢做，因為我夠搏，到公司想擺我去另一個位置，我又跟住做。但去到公司轉高層、轉格局時，冇咗嗰班人搵我做嘢，要重新去建立。呢五六年我係好少喺電視出現，因為由本地公司製作，開始到同內地合拍，一年開一兩套劇，或者係兩年先拍一套，咁大家咪少咗見我囉！」
