譚輝智演戲初哥 預狂NG被鬧
踩入《愛·回家》 同劉丹爭做法團主席
《中年好聲音2》亞軍譚輝智踩過界拍劇！他將於無綫處境劇《愛·回家之開心速遞》飾演劉丹的鄰居，會跟對方爭做大廈立案法團主席。他謙稱是演戲初哥，預了不停NG，相信很快會「得罪」劇組被鬧。不過劉丹對輝智有讚冇彈，並自稱做新人時經常被導演鬧。
無綫處境劇《愛·回家之開心速遞》昨日在電視城舉行「復活節彩蛋大作戰」活動，劇中逾30位演員出席，更特別介紹譚輝智加入劇組，飾演「熊家」的鄰居。輝智透露角色名叫「何守烏」，會與劉丹爭大廈立案法團主席之位。他坦言視乎自己表現，才決定是否長駐演出。他又稱與劉丹有大量對手戲，感到很大壓力：「睇電視唔覺丹爺咁犀利，佢哋太勁！背對白對我嚟講係吃力啲，比背歌詞難，因為要顧及表情，真係好多學問。（多唔多NG？）都預咗有，但好彩仲未俾人鬧，不過就嚟被人鬧㗎嘞。」
劉丹給予輝智高度評價：「佢一定好醒目，唱歌對我嚟講好難，所以佢好叻，但對新人嚟講梗係要畀時間佢進步，佢非常OK，佢有對白嗰陣會留意對手，冇對白就留意其他人，佢唔算多NG，我做新人時成日俾導演鬧。」
姚焯菲考慮8月離港讀書
同場的姚焯菲被問如何慶祝復活節？她笑言：「依家冇返學，連復活節係邊一日都唔記得。依家習慣拍處境劇嘅節奏，覺得好好玩。之前覺得自己冇乜演戲天分，但不斷練都有進步，依家表情自然好多。」問到學業安排？她表示跟公司再討論後便會公布，會以自己目標出發，若然選擇離港讀書，將於8月啟程。
