夾餸阿姐開高薪都唔易請
早在權發小廚油麻地店開張不久，就曾因為在店外張貼一張標示月薪18,000元、兼職時薪65元請夾餸阿姐的招聘單，引起網民熱議。可是，據老闆娘Kitty表示，原來要請夾餸阿姐並不容易，「疫情過後，見工嘅人係有好多，但要請到啱用嘅人就唔容易。情況就好像要搵到好嘅伙計同要搵到好嘅老闆一樣咁難。」
一更起碼6至7人
Kitty指，「以新開張嘅銅鑼灣店為例，我嘅夾餸阿姐團隊，一更起碼要有6、7人，全日就要十幾廿人，當中包括個別係我由油麻地店借調過來資深嘅阿姐，帶領其他同事，才可以應付得到。」
