古淖文曾陷低潮 疑患抑鬱
日前古淖文（German）接受許文軒主持的TVB娛樂新聞台節目《StarTalk》專訪，German說：「今次係比賽後第一首派台歌，回歸做歌手再出發，所以意義重大，一定要做到最好。今次製作班底好特別，全部來自澳門，我仲有份創作Rap詞。揀快歌係因為自己比較擅長，而且我以前嘅歌當中比較缺乏舞台上嘅快歌，所以表演上好需要。」」
German自爆參加《中年好聲音2》前試過陷低潮期：「當時同前公司完約，跟住又爆發疫情，我睇唔到出路，有啲迷失，情緒出現咗狀況，我都唔知自己係咪有抑鬱。試過對住塊鏡同自己講『German你咁靚仔，仲未做到天王巨星，唔通咁就一世？』好彩身邊有朋友幫我好多，佢叫我冥想同讀啲身心靈書本，畀咗好多正能量同安慰我，慢慢自己爬番起身，踏出前一步。」
